Հաճախ ենք տեսնում օրինակներ, երբ մեր շրջապատի մարդիկ, սկսելով ինչ-որ հարաբերություններ, անճանաչելիորեն փոխվում են' կորցնելով իրենց անհատականությունը: Սկսվում է կիրառվել «մենքը», իսկ որոշ կանայք էլ մինչև կյանքի վերջ ընկերուհիներին հունից հանում են' կիրառելով այդ դերանունը, իրենք իրենց մասին բացարձակ մոռանալով: Մի կողմից «մենք», «մեզ» դերանունների կիրառումը խոսում է երջանիկ ու ամուր փոխհարաբերությունների մասին, մյուս կողմից շատ կայանք անգամ սթրեսի մեջ են հայտնվում' կորցնելով սեփական եսը: Ուստի Ladynews.am-ը կօգնի Ձեզ, որպեսզի խուսափեք և´ ընկերների բողոքներից, և´ սեփական անհատականությունը կորցնելու վտանգից:

Մի մոռացեք ընկերներին:

Ընկերությունը չպետք է ավարտվի միայն նրա համար, որ Դուք զուգընկեր ունենք: Ընկերների հետ հանդիպումը, թեկուզ ամիսը մեկ անգամ, դրական կանդրադառնա Ձեզ վրա:

Միշտ ինքներդ Ձեզ համար ժամանակ գտեք:

Շատ կանանց ժամանակը բավարարում է ընտանիքի, երեխաների, տան համար, բայց իրենք իրենցով զբաղվելու համար ժամանակ չեն գտնում: Ի վերջո, ժամանակը, որ կանցկացնեք ինքներդ Ձեզ հետ' միայնակ, շատ կարևոր է: Սիրելի կանայք, օրվա մեջ գոնե 30 րոպե տրամադրեք Ձեզ:

Կազմակերպեք ընդհանուր հանդիպում:

Պարզապես հիասքանչ կլինի, եթե Ձեր ընկերուհիները կարողանան ընդհանուր լեզու գտնել Ձեր զուգընկերոջ կամ ամուսնու ընկերների հետ: Այդպես Դուք կկարողանաք կազմակերպել ընդհանուր հավաքույթներ և միասին հետաքրքիր ժամանակ անցկացնել:

Ինքներդ Ձեզ նամակ գրեք:

Վերցրեք թուղթ ու գրիչ և գրեք Ձեր անձնական նպատակների մասին: Պետք չէ այնտեղ նշել ապագա ամուսնու և երեխաների մասին: Մտածեք' ինչ կուզեիք ինքներդ Ձեզ համար, մի քանի րոպեով դարձեք էգոիստ. դա Ձեզ օգուտ կտա:

Ունեցեք անձնական հոբբի:

Գնացեք յոգայի, հաճախեք կարաոկե: Կարևորը' այն, ինչ կանեք Ձեզ հաճույք պատճառի և լինի միայն Ձեր հոբբին: Ձեր զուգընկերը դրանից չի նեղվի, այդպես հաճելի կլինի երկուսիդ էլ:

Աղբյուր` LADYNEWS.am