Այսօր համացանցում տեղեկություն էր տարածվել, ըստ որի Կ. Ստանիսլավսկու անվան ռուսական դրամատիկական թատրոնի դերասանուհի Իրինա Հարությունյան թատրոնի տնօրինությանը ազատման դիմում է ներկայացրել: Այս հարցի շուրջ զրուցեցինք դերասանուհու հետ:

TESADASHT.am-ի թղթակցի հետ զրույցում Իրինա Հարությունյանը փաստեց լուրի իսկությունը:

«Որևէ մեկնաբանություն այս առումով տալ չեմ ցանկանում: Ես ազատվել եմ աշխատանքից, քանի որ չեմ կարող այն դերերը, որոնք խաղացել եմ Երվանդի հետ, խաղալ մեկ ուրիշ մարդու հետ»,- ասաց դերասանուհին:

Դերասանուհին ասաց, որ այս քայլով չի ցանկանում նեղացնել այն մարդուն, ով կխաղա Երվանդի դերերը, սակայն չի էլ կարող մեկ այլ դերասանի տեսնել նրա կերպարներում:

«Մի քանի ամիս առաջ աշխատանքից նաև դուրս եկավ Յուրա Իգիթխանյանը: Պատկերացնում եք իմ երկու ընկերները, գործընկերները, որոնց հետ տարիներ շարունակ կերպարներ ենք կերտել հիմա թատրոնում չեն, այ սա է իմ ազատման դիմումի պատճառը»,- նշեց Իրինա Հարությունյանը:

Շարունակությունը սկզբնաղբյուրի կայքում: