Slaq.am-ը շարունակում է նամակներ ստանալ իր ընթերցողներից: Այս անգամ նամակով և ընթերցողների խորհուրդների օգնության ակնկալիքով մեզ դիմել է 25 ամյա Ռիտան:

«Բարև Ձեզ: Ես ամուսնացել եմ 30 տարեկանում: Արդեն 2 երեխա ունեմ: Ամուսինս՝ Արտակը, բավականին պատասխանտու տղա էր, ինձ շատ-շատ էր սիրում, կամ այդպես էր ցույց տալիս: Հիմա արդեն չեմ կարող ասել: Օրերից մի օր ամուսինս տուն եկավ հարբած ու ինձ ծեծելով ու հայոհյելով ասաց, որ սիրուհի ունի: Սկզբում մտածեցի` խմիչքն իր գործն արել է, բայց հաջորդ օրը, արդեն սթափված վիճակում ամուսինս նույնն ասաց և ստիպեց բաժանվել: Ես չէի համաձայնվում: Պայքարում էի ամեն կերպ, փորձել եմ ամունսուս հետ և լավ խոսել, և վատ: Գտել եմ իր սիրուհուն, խնդրել ու պահանջել, որպեսզի թողնի երեխաներիս հորը: Առաջին սիրուհու խիղճը զարթնել էր, բայց նրանից հետո շատերը եկան ու անցան: Ամուսինս սիրուհիներին հաճախ է փոխում: Կյանքն այնպես ստացվեց, որ մենք թեև չենք ամուսնալուծվել, բայց միասին չենք ապրում: Ես սկսեցի աշխատել երեխաներիս պահելու համար: Ամուսինս արդեն ամսից ավել է չի եկել երեխաներին տեսակցության, չի զանգել: Իսկ երեխաներս ամեն օր հարցնում են իրենց հորից` անգամ մեծ աղջիկս երեկոյան վերմակի տակ արտասվում էր ու քթի տակ աղոթում հորը տեսնելու համար: Խնդրում եմ, օգնեք ինձ, ինչպես կարող եմ ամուսնուս ետ բերել իր երեխաների մոտ: Իմ կյանքն ամենևին էլ աչքիս չի երևում, միայն թե երեխաներս տեսնեն իրենց հորը»: