Հեռուստառադիոհաղորդավարուհի Լիլի Հովերը, հաղորդավարուհի Լուսինեն և երգչուհի Մագան հարազատ ու մտերիմ քույրեր են: Լիլի Հովերը բացի ռադիոյում աշխատելը, «Արմնեիա» հեռուստաընկերությամբ եղանակի տեսությունը հաղորդող աղջիկն է: Լուսինեն «Երևա»ն հեռուստաընկերությամբ վարում է «Մի երգի պատմություն» հաղորդաշարը, իսկ Մագան երգում է ակումբներում: Նրանց հետ խոսել ենք իրենց հայտնիության և գործունեության մասին:

Լիլիի փոխանցմամբ` ծնողները միշտ հպարտացել են իրենցով. երբևէ չեն միջամտել ու չեն խոչընդոտել գործունեությանը, ընդհակառակը, օգնել են: «Մայրս դաշնակահարուհի է ու ամեն բան արել է, որ մենք արվեստին մոտ լինենք: Մեր կայացման նրա լուման հարցում շատ մեծ է»,-ասաց եղանակի տեսության մեկնաբանը:

Ըստ Լիլիի` քույրերով աչքի են ընկել նաև դպրոցում, որտեղ բոլորն իմացել են, որ նրանք տարբեր ոլորտներից են ու սիրում են երգել-պարել-արտասանել: «Մեծ քույրս` Լուսինեն պարել է, Մագան միշտ երգել է, ես էլ դաշնամուրի եմ գնացել: Երբ հյուր էինք գնում, Մագան երգում էր, Լուսինեն՝ պարում, իսկ ես էլ արտասանում էի»,- ավելացրեց Լիլին, ում խոսքերով` ինքն ու Մագան Երգի թատրոնի առաջին սաներից են եղել:

Փոքրուց միշտ զբաղված երեք քույրերը տարբեր խմբակներ են հաճախել, որից հետո էլ ամեն մեկն իր ճանապարհն է հարթել: Մագան շարունակում է երգել, իսկ Լիլին և Լուսինեն աշխատում են հեռուստատեսությունում:

Մինչ Թատերականի Վավերագրական ֆիլմի ռեժիսուրա բաժնում ուսանելը Լիլի Հովերն արդեն ռադիոյի ոլորտում էր: Նա առաջին քայլերը սկսել է 12-13 տարեկանից, երբ Հանրային ռադիոյի երիտասարդական ծրագրում է աշխատել: Լիլին աշխատել է նաև այն ժամանակ «Արմենակոբի» պատանեկան «16» ծրագրում: Այնուհետև հեռուստառադիոհաղորդավարուհու ստեղծագործական ուղին նրան տարել է FM107 ռադիոկայան, որտեղի աշխատանքը նա համատեղել է «Համազգային աստղ» նախագծի հաղորդավարուհու աշխատանքի հետ:

Այժմ Լիլին աշխատում է ռադիո «Ջանում» և «ԱրմՌադիոյում»: Ի դեպ, արդեն մեկ ամիս է` նա «ԱրմՌադիոյով» վարում է հեղինակային «Love music» ծրագիրը, որի ընթացքում ռադիոհաղորդավարուհին ներկայացանում է սիրային երգերի կես ժամանոց ծրագիր` ռադիոլսողին ներկայացնելով իր նախընտրած երաժշտությունը:

Հաղորդավարուհի Լուսինեն, ով քույրերից ամենամեծն է, երբևէ չի էլ մտածել, որ մի օր հեռուստաեթերում կհայտնվի: Լուսինեի հետ զրույցի ընթացքում պարզեցինք, որ 12 տարի պարել է, այնուհետև ուսումը շարունակել Բուլղարիայի Տնտեսագիտական համալսարանում. «Հայաստան վերադառնալուց հետո Լիլիի օգնությամբ աշխատանքի անցա Հանրային հեռուստատեսության տարբեր նախագծերում` որպես պրոդյուսերի օգնական»: Նշենք, որ Լուսինեն ստեղծագործական գործունեության ընթացքում ընտանիք է կազմել, երկու բալիկ ունեցել, սակայն դա չի խոչընդոտել հաղորդավարուհու աշխատանքին: Լուսինեի փոխանցմամբ` քույրերով մշտապես իրար օգնում են ու կանգնած են միմյանց կողքին:

Կոսներվատորիայի դասարական երաժշտության բաժինն ավարտած երգչուհի Մագան նրանց երրորդ քույրն է: Մագան երկու տեսահոլովակ ունի, որոնցից մեկի ռեժիսորը քույրն է` Լիլին: Մագայի խոսքերով` շոուբիզնեսում իրեն շատերն են ճանաչում, սակայն նպատակ ունի երկու նոր տեսահոլովակ նկարահանել ու հայտնի դառնալ ավելի լայն թվով մարդկանց համար: