Վրաստանի եկամուտների ծառայության աշխատակիցներն արձանագրել են նորածին երեխային թմրանյութ տեղափոխելու համար օգտագործելու դեպք: Այս մասին հաղորդում է Грузия Online-ը:

Ըստ ծառայության տեղեկությունների՝ «Սադախլո» հսկիչ-անցագրային կետում ձերբակալվել է ՀՀ քաղաքացի Մ.Ա.-ն, ով նորածին երեխայի հետ փորձել է անցնել Վրաստանի սահմանը:

Ստուգման ժամանակ սահմանապահները երեխայի տաբատի գրպանում հայտնաբերել են թմրամետ նյութեր, հավանաբար՝ մարիխուանա: Թմրանյութեր են հայտնաբերվել նաև կնոջ բաճկոնի գրպանում: