Հարավային Կալիֆոռնիայում առևանգել են մարիխուանայի դիսպանսերի սեփականատիրոջը, տանջել են նրան և կտրել առնանդամը: 4 հանցագործները մտածել են, որ նա փողերը պահում է անապատում և ցանկացել են իմանալ դրանց գտնվելու վայրը:

Հանցագործները, որոնցից երկուսը հայեր են` 34-ամյա Ռայան Էնթոնի Գևորգյանն ու 33-ամյա Նաոմի Ժոզետ Գևորգյանը, ձերբակալվել են և նրանց մեղադրանք է առաջադրվել: Հայերին ձերբակալել են ուրբաթ օրը, իսկ դրանից մեկ օր առաջ ՀԴԲ-ն ձերբակալել է 34-ամյա Հոսեյն Նայերին: Մյուս հանցագործը` 34-ամյա Կայլ Շիրակավա Հանդլեյը ձերբակալվել է անցած տարի հոկտեմբերին:

Հանցագործներին մեղադրանք է առաջադրվել առևանգման, տանջելու և մարմնական ծանր վնասվածք հասցնելու համար: Նրանք կարող են դատապարտվել ցմահ ազատազրկման: