Հոր մոտ գալիս է երիտասարդ աղջիկը և ասում.

-Հայրիկ, ես հոգնել եմ, իմ կյանքն այնքան ծանր է, այնքան դժվարություններ ու խնդիրներ ունեմ, ես անընդհար լողում եմ հոսանքին հակառակ, այլևս ուժ չունեմ…Ինչպե՞ս վարվեմ:

Հայրը պատասխանի փոխարեն կրակի վրա դնում է ջրով լի երեք միանման կաթսա, մեկի մեջ գազար գցում, մյուսում ձու դնում, իսկ երրորդից սուրճով բաժակի մեջ եռացրած ջուր լցնում:

-Ի՞նչ փոխվեց,-հարցրեց նա աղջկան:

-Ձուն և գազարը եփվեցին, իսկ սուրճի հատիկները լուծվեցին ջրում,-պատասխանեց դուստրը:

-Ոչ, աղջիկս, դա միայն իրերին մակերեսային հայացքով նայելու դեպքում: Տես՝ ամուր գազարը եռման ջրից դարձավ փափուկ և ճկվող: Փխրուն և ջրիկ ձուն ամրացավ: Արտաքնապես դրանք չփոխվեցին, պարզապես եռման ջրի անհարմար միջավայրի ազդեցությանբ փոխեցին իրենց բնույթը: Այդպես էլ մարդիկ. արտաքնապես ուժեղները կարող են ընկրկել ու թուլանալ այնտեղ, որտեղ նուրբն ու նվազը կարող է ամրանալ ու պնդանալ…

-Իսկ սո՞ւրճը,-հարցրեց աղջիկը:

-Այո: Դա ամենահետաքրքիրն է: Սուրճի հատիկներն ամբողջությամբ տարալուծվեցին եռման ջրի օտար միջավայրում և փոխեցին այն՝ եռացած ջուրը դարձնելով հրաշալի, բուրավետ ըմպելիքի: Կյանքում էլ է այդպես. կան առանձնահատուկ մարդիկ, ովքեր, չնայած  հանգամանքների պարտադրանքին, չեն փոխվում, այլ ընդհակառակը, իրենք են փոխում հանգամանքները և դրանց հաղորդում ինչ-որ նոր, հրաշալի բնույթ՝ իրավիճակից  քաղելով օգտակարն ու նոր իմացություն:      

LADYNEWS.am