Life.panorama.am-ի զրուցակիցն է  երգիչ Մարտին Մկրտչյանը:

- Վերջերս մամուլում գրվեց,  թե մեկ երգ երգելու դիմաց 6000 դոլար եք պահանջում:Այդպե՞ս է             

-Մեկ հիթի համար երբեք նման գումար չեմ պահանջել: Դրանք անհեթեթ խոսակցությունն են: Վաստակում ենք գումար, բայց ոչ այնքան, ինչքան որ այդ թվերն են:

-Ձեր մասին լսած վերջին ասեկոսեն ո՞րն է:

-Ասեկոս էր տարածվել, թե ես ամուսնացած եմ եղել ու երկու երեխա ունեմ: Նման բան չկա, բացարձակ սուտ է:

-Ասում են՝ բիզնես եք հիմնել:    

-Այո, մեկ ամիս է, ինչ բացվել է տուրիստական գործակալությունս` «Մյուզիք թրեվլը»:

-Երկար ժամանակ թաքցնում էիք Ձեր և Հռիփսիմեի սիրային կապը: Հիմա արդենամուսնացել եք: Ի՞նչպես է սկսվեց ձեր սիրոպատմությունը:                                            

 -Մենք երբեք չենք ցանկացել հանրայնացնել մեր անձնական կյանքը:  Ընկերության ընթացքում լինում են դեպքեր, երբ զույգը չի հասկանում իրար և անգամ կարող է բաժանվել, իսկ դա դառնում է լայն քննարկման թեմա: Դա է եղել ամեն ինչ գաղտնի պահելու պատճառը: Հռիփսիմեին տեսել եմ հեռուստացույցով, այնուհետև գործնական առաջարկ եմ արել նրան ու սկսել ենք միասին աշխատել: Բայց սկզբում նրան որպես քույր եմ ընդունել: Այնուհետև ժամանակի ընթացքում ամեն ինչ տեղափոխվեց այլ հարթություն և երկուսս էլ հասկացանք, որ մեր մեջ ավելին է, քան պարզապես ընկերությունը: Նրա մարդ տեսակը ինձ համար բացառություն էր և շատ հետաքրքիր, թեև սկզբում նրան այլ աչքերով էի նայում: Չհասկացա ինչպես ստացվեց, որ մեզ մոտ ընկերությունը վերածվեց սիրո:

-Ո՞վ է առաջինը սիրո խոստովանություն արել:     

-Մի օր տուն էի տանում մեքենայով և որոշեցի հենց այդտեղ խոստովանել, որ սիրում եմ իրեն: Արձագանքը եղավ այն, որ Հռիփսիմեն անակնկալ լաց եղավ ու դուրս վազեց մեքենայից: Հաջորդ օրը էրեբունի Երևանի  տոնակատարությունն էր, որին մենք  էլ երկուսով մասնակցում էինք, ողջ համերգի ընթացքում  անգամ միմյանց աչքերի մեջ չենք  նայել, չգիտեմ՝ գուցե ամոթից:

-Ձեր հարսանիքի կնքահայրը  ՃՈ առաջին վաշտի պետ Արսեն Արշակյանն է: Քավորիընտրությունը պատահակա՞ն է:

-Նա իմ մանկության ընկերն է: Ես նրան չեմ ընտրել իր պաշտոնի համար: Այն ժամանակ, երբ մենք ծանոթացել են նա դեռ ՃՈ առաջին վաշտի պետ չէր, այլ իմ ընկերն էր:

-Որքա՞ն գումար ծախսեցիք հարսանյաց արարողությանհամար:                                

 -Այնքան, որքան պահանջվեց: Հարսանեկան արարողությանը հրավիրված էր մոտ 400 հոգի, հետևաբար բավականին մեծ գումարներ ենք ծախսել, բայց կոնկրետ գումար չեմ կարող ասել: Իմ ընկերներն իրենց աջակցությունը ցուցաբերեցին և թեթևացրեցին ծախսերը:

-Առաջիկա ի՞նչ ծրագրեր ունեք:

-Մինչև տարվա վերջ կթողարկվի իմ նոր ձայներիզը, որում տեղ կգտնեն 14 հին ու նոր երգեր: Պատրաստվում եմ համերգային ծրագրերով հանդես գալ ԱՄՆ-ի և Եվրոպայի մի շարք քաղաքներում: