Քիչ առաջ ԱԺ-ում թեժ վիճաբանություն ծագեց ՀԱԿ խմբակցության պատգամավոր Հրանտ Բագրատյանի ու ֆոտոլրագրող Գագիկ Շամշյանի միջև: Պատճառն այն է, որ Վերահսկիչ պալատի նախագահ Իշխան Զաքարյանի թեկնածության քվեարկության ժամանակ, որը լուսաբանում էր Գագիկ Շամշյանը , պատահաբար հրեց Հրանտ Բարգրատյանին, ով շատ բուռն արձագանքեց, գոռալով.« Ինձ մի բրդի»: Գագիկ Շամշյանն էլ պատասխանեց. «էն կողմ գնա», ինչին պատգաամավորը արձագանքեց. «Հետս դուով մի խոսի»:

Ուշագրավ է, որ այդ ամենին ժպիտով հետեւում էր ՀՀԿ-ական պատգամավոր Մհեր Սեդրակյանը: Հարցին, թե միջադեպի սկզբից ներկա՞ է, ո՞վ է մեղավորը, Սեդրակյանը հայտարարեց. «Թող գան տղերքը մոտս, ես կորոշեմ` ով է ճիշտ, ով սխալ»:

Գեներալ պատգամավոր Սեդրակ Սարոյանն էլ միջանցքի մյուս ծայրից գոռում էր. «Գագո, յա ստաբոյ»: Դիմելով լրագրողներին նա ասաց. «Տեսնո՞ւմ եք` ի՞նչ ա անում Հրանտը, ես լինեի, հիմա ինձ ճնշել էիք, ձեր լրագրողին ա ճնշում»:

Միջադեպը բավականին աղմուկ է բարձրացրել ԱԺ-ում: Տեսանյութը՝ Tert.am-ի: