©shamshyan.com Այսօր` նոյեմբերի 8-ին, ողբերգական դեպք է տեղի ունեցել Գեղարքունիքի մարզում: Ժամը 18:00-ի սահմաններում, ոստիկանության Ճամբարակի բաժին ահազնագ է ստացվել քաղաքացիներից, որ տեղի Տիգրան Մեծի 13 շենքի նկուղային հարկում տղամարդու կախված դի կա: Ինչպես հայտնում է ֆոտոլրագրող Գագիկ Շամշյանը,

նշված հասցե են ժամանել ոստիկանության Ճամբարակի օպերատիվ խումբը` Ճամբարակի ոստիկանապետ Մամիկոն Պողոսյանի գլխավորությամբ, ովքեր պարզել են, որ կախվածը` նշված շենքի թիվ 4 բնակարանի բնակիչ, 44-ամյա Խ. Բարսեղյանն էր: Փաստի առթիվ ոստիկանության քննչական գլխավոր վարչության Գեղարքունիքի մարզի Ճամբարակի քննչական բաժանմունքի քննիչ Դավիթ Շահբազյանի կողմից նյութեր են նախապատրաստվում: Նշանակվել են մի շարք փորձաքննություններ, այդ թվում` դիակի դատաբժշկական: