-Երկու բառով բնութագրեքձեզ:

Կարծում եմ անձին լավագույնս բնութագրում են մտերիմ ընկերներն ու գործընկերները: Բայց եթե ես ինքս ինձ բնութագրեմ կնշեմ 3 հատկություն՝ ժպտերես, պոզիտիվ ու ներողամիտ:

-Եթե ոչ հաղորդավար, ապաի՞նչ:

Ապա լավ մենեջեր, կամ էլ լավ հրուշակագործ:

-Ու՞մ հետ եք խոսում Ձերպրոբլեմների մասին:

Առհասարակ ոչ մեկի, ծանրաբեռնել մտերիմներին ու շրջապատին իմ հոգսերով չեմ կարծում դրանք լուծման լավագույն միջոցը կարող են լինել:

-Խենթություններ կանե՞ք: (եթե այո ապա ում համար կամ ինչի):

Խենթությունների կողմնակից չեմ, բայց անակնկալներ մատուցել սիրում եմ, ես հավասարակշռված ապրելու կողմնակից եմ…

-30 տարի անց, ինչպիսին եք լինելու: Ձեր պատկերացումները:

Լավ մայր ու հավանաբար երջանիկ ու գեղեցիկ տատիկ: ՃՃՃՃ

- Մենակ մնում ե՞ք դուք ձեր հետ:

Հաճախ, երբ հարկավոր է մտքերն իմի բերել՝ որոշելու հետագա անելիքները:

-Անպատասխան հարցեր ունե՞ք: Ում են ուղղված:

Այո, Աստծուն միայն:

-Ինչի՞ համար կզղջայիք:

Արածների համար չեմ զղջացել, դրանք եղել են փորձ, դաս, զղջում եմ չարածների համար, և կյանքի քառուղիներում հանդիպած այն վատ մարդկանց համար, որոնց թույլ եմ տվել ներխուժել իմ կյանք:

-Ի՞նչ չէիք անի երբեք:

Չէի դավաճանի:

-Ինչի՞ եք ընդունակ զայրացած ժամանակ:

Արհամարհել: Կնոջ լավագույն զենքը դա արհամարհելն է:

-Այն մարդը ումից վախենում և ամաչում եք:

Վախենում եմ Աստծո պատժից…իսկ ամաչելու առիթ դեռ չեմ ունեցել:

-Եթե ունենայիք հնարավորություն:

Ես ուղղակի կցանկանայի, որ ոչ մի մայր իր զավակի համար արցունք չթափի:

-Եթե նորից ծնվեիք ինչպես կապրեիք:

Նույն ոգով ու նույն ոճով:

- Ամա՞ռ, թե՞ ձմեռ:

Ամառ, թեև ձմռան ծնունդ եմ:

- Ֆիլմերի ո՞ր ժանրն եք նախընտրում:

Պատմական:

- Սիրելի ուտեստը:

Ծովամթերքներից պատրաստված ուտեստներ:

-Վաղը աշխարհի վերջ է, ի՞նչ կանեք:

Կգամ եթերի :ՃՃՃ