Բարբադոսյան հայտնի երգչուհի Ռիհանան մի քանի աղմկոտ հայտարարություն է արել: Ըստ Irish Mirror-ի, 25-ամյա աստղն Ալան Կարրի շոուի ժամանակ հայտարարել է, որ սեքսի պակաս ունի: Նա նաեւ հավելել է, որ որոշել է այլեւս չհաճախել անվերջանալի երեկույթների:

«Վերջին շրջանում ես ձանձրացնող եմ դարձել: Ատում եմ հավաքույթները: Չգիտեմ, գուցե պատճառն իմ բարձրակրունկ կոշիկնե՞րն են, ես չեմ կարողանում ժամերով կանգնել դրանցով: Այս ամենը ձանձրացրել է ինձ: Գուցե խնդիրը երաժշտությա՞ն մեջ է: Ամեն գիշեր միեւնույն բանն է, գուցե ավելի շատ DJ-ներ են անհրաժեշտ… Ես սեքսի սարսափելի պակաս ունեմ: Մի ամբողջ հավերժություն սեքսով չեմ զբաղվել: Ամաչում եմ խոստովանել այդ: Զզվելի է»:

Հիշեցնենք, որ Ռիհանան հանգստանում էր Թայլանդում եւ լուսանկարներ հրապարակում համացանցում: 25-ամյա աստղը դրանք տեղադրում էր Instagram-ում: Այդ լուսանկարներից մեկն էլսկանդալի պատճառ է դարձել:

Երկու տղամարդ Փհուկետ կղզում «բիզնես» են ձեռնարկել՝ զբոսաշրջիկներին առաջարկելով նկարահանվել կապիկների հետ: Ցանկացողներից մեկն էլ Ռիհանան է եղել:

Twitter-ում եւ Phuket Gazette պարբերականի կայքում գեր լորիի հետ Ռիհանայի լուսանկարի քննարկումը գրավել է Թայլանդի ոստիկանության ուշադրությունը: Ամեն ինչ ավարտվել է ապօրինի գործունեություն ծավալելու մեղադրանքով երկու կասկածյալի ձերբակալությամբ: Կարմիր գրքում ընդգրկված վայրի կենդանիներին շահագործելու միջոցով ապօրինի բիզնեսի համար թայլանդական օրենսդրությունը մինչեւ 4 տարի ազատազրկում է նախատեսում:

NEWS.am STYLE