Քիչ առաջ Վանաձոր քաղաքի ոստիկանության Բազումի բաժին ահազանգ է ստացվել, որ Վանաձոր քաղաքի Աղայան 65 շենքի 2-րդ հարկի պատշգամբում կնոջ դի կա կախված: Ինչպես հայտնում է ֆոտոլրագրող Գագիկ Շամշյանը, նշված հասցե են մեկնել ոստիկանության Բազումի բաժնի օպերատիվ խումբը՝ բաժնի պետ Սարգիս Այվազյանի գլխավորությամբ, ովքեր նշված շենքի 2-րդ հարկի բաց պատշգամբից դուրս հայտնաբերել են 84-ամյա Լենա Բ-ի դին:

Նշված հասցեն են ժամանում ոստիկանության քննչական գլխավոր վարչության Լոռու մարզի քննչական բաժնի քննիչներն ու փորձագետը: Տեղի ունեցածը ինքնասպանություն է թե՞ սպանություն, ոստիկանությունը պարզում է, քանի որ 84-ամյա կնոջ դին պատշգամբից դեպի դուրս է հայտնվել կախված վիճակում: Ըստ ֆոտոլրագրողի տեղեկությունների, Լենա Բ-ն բնակվում էր միայնակ: