Փրկարար ծառայությունը սեպտեմբերի 29-ին, ժամը 15.05-ին ահազանգ է ստացել, որ Արմավիր-Էջմիածին ավտոճանապարհին՝ Արշալույս գյուղի մոտակայքում, տեղի է ունեցել վթար:

Դեռեւս չբացահայտված հանգամանքներում անհայտ մակնիշի եւ պետհամարանիշի ավտոմեքենայի վարորդը վրաերթի է ենթարկել Բ. Չ.-ին (ծնվ. 1960թ.), ում տեղափոխել են Էջմիածին քաղաքի ԲԿ:

ԱԻՆ լրատվական ծառայությունից հայտնում են, թե տուժածի վիճակը ծայրահեղ ծանր է եղել եւ նա մահացել է: