1. Սովորեցրեք փոքրիկին իր ապրումները նկարագրել բառերով

Երեխան կարող է բղավել հուսահատությունից, թաքնվել ամոթից, անհանգստությունից կծել եւ լացել վախից: Բացատրեք նրան, որ դրանք հույզեր են, որոնք թելադրում են մարմնին, թե ինչպես վարվել: Ցույց տվեք նրան նաեւ այլոց, որոնք նույնն են զգում, բայց այլ կերպ են արտահայտում իրենց էմոցիաները: Ձեր անձնական հույզերը քննարկեք երեխայի հետ: Այդպես նա կմեծանա ու կհասկանա հուզմունքի ու բարկության, հիասթափության ու վշտի տարբերությունը, կսովորի գլուխ հանել իր էմոցիաներից եւ դրսեւորել դրանք ավելի գրագետ` միաժամանակ չամաչելով եւ մեղքի զգացում չունենալով:

2. Եղեք ձեր փոքրիկի ամենամեծ երկրպագուն

Ավելի շուտ դուք փոքրիկին կամաչեցնեք, քան կզվարճացնեք, եթե ընտանեկան հավաքների ժամանակ, օրինակ, պատմեք նրա հետ կապված միայն ծիծաղելի պատմությունները: Նա միշտ կշիկնի այդ պահերին: Հետեւություն` եղեք նրա ամենամեծ երկրպագուն եւ ոչ թե հակառակը:

3. Սովորեցրեք ձեր տղային հոգ տանել սեփական անձի մասին

Իհարկե, լավ կլինի, որ ձեր տղան մեծանա ու քիչ բաների կարիք ունենա: Բայց ամեն դեպքում սովորեցրեք նրան հավաքել իր ետեւից, իրերը տեղը դնել: Այդպես նա հետագայում կլվանա նաեւ իր գուլպաները, գուցե արդուկի իր վերնաշապիկը: Մի օր նրա կինը շատ երախտապարտ կլինի ձեզ:

4. Կարդացեք նրա համար` նրա հետ միասին

Երեխաները դառնում են ընթերցող իրենց ծնողների ծնկներին: Երեխան պետք է տեսնի, որ դուք նույնպես կարդում եք: Պատմեք նրան այն մասին, թե դուք ինչ եք կարդում`ձեր սիրելի գրքերի ու հերոսների մասին: Բացատրեք նրան, թե ինչքան կարեւոր է գիրք կարդալը: Կարդացեք միասին ու հետո քննարկեք կարդացածը: Նաեւ վերլուծեք, երեւակայությունը խթանեք ու նկարեք սիրելի հեքիաթները: Սովորեցրեք ձեր փոքրիկին լինել ակտիվ ընթերցող:

5. Խրախուսեք պարը

Երաժշտությունը, ռիթմն ու պարը ունիվերսալ լեզվով են, որը հասկանալի է բոլորին: Իսկ սեփական մարմինն ազատորեն տնօրինելով` կապահովեք ներդաշնակ զարգացումը: Պարեք նրա հետ, խրախուսեք պարը:

6. Համոզեք, որ նրանց առջեւ կան լավ մարդկանց օրինակներ` խելացի, խիզախ, տաղանդավոր ու ազնիվ

Պատմեք նրան հանրահայտ գրողների, ճանապարհորդների, հետախույզների, գիտնականների, նկարիչների, տիեզերագնացների, լուսանկարիչների ու դերասանների մասին: Պատմեք այն մասին, թե ինչպես են նրանք ապրել ու ինչպես են հասել հաջողության: Եվ ոչ միայն տղամարդկանց, այլեւ կանանց մասին պատմեք: Նաեւ նշեք, որ ներքին գեղեցկությունը շատ ավելի կարեւոր է արտաքինից:

7. Եղեք օրինակ

Դուք, իհարկե, հերոս եք, մի կասկածեք եւ ոչ մի վայրկյան: Բայց ամեն օր ապացուցեք ձեր տղային, որ դուք գեղեցիկ եք, խելացի ու ազնիվ: Դուք, այդպիսով, օրինակ կծառայեք: Ձեր տղային հետագայում պետք կգա կնոջ նման օրինակը: 

8. Սովորեցրեք փոքրիկին ճիշտ վարվեցողություն

Սովորեցրեք ձեր տղային վարվեցողության ճիշտ ձեւերը` ասել շնորհակալություն ու խնդրեմ, ձեռք մեկնել կանանց, առաջարկել օգնություն, զիջել տեղը: Այս ամենն ավելի լավն է դարձնում աշխարհը:

9. Թույլ տվեք նրան հավատալ ինչ-որ բանի

Ձեր տղան մեկ անգամ չէ, որ վախ կամ անհանգստություն, ցավ կամ կսկիծ կապրի կամ պարզապես ձեր կարիքը կզգա այն պահին, երբ կողքին չեք լինի: Տվեք նրան այն, ինչի օգնությանը կարող է դիմել, երբ միայնակ կլինի: Թող նա իմանա, որ երբեք ու երբեք մենակ չի լինի:

10. Սովորեցրեք քնքշանք տալ

Սովորեցրեք նրան, որ երբեմն պետք է նաեւ նուրբ լինի: Հատկապես եթե խոսքը վերաբերում է փոքրերին, կենդանիներին, ծաղիկներին, այլոց զգացմունքներին, հետագայում նաեւ` կանանց:

Շարունակելի

աղբյուր` impoqrik.am