Slaq.am-ը շարունակում է նամակներ ստանալ իր ընթերցողներից, որոնցում նրանք պատմում են իրենց անձնականի մասին և կիսվում իրենց հուզող խնդիրներից: Այս անգամ մեզ նամակով դիմել է 28-ամյա Իրինան: «Արդեն 3 տարի է՝ ամուսնացած եմ, ունեմ 1 տարեկան երեխա, կողքից բոլորին թվում է՝ կյանքս հիանալի է, սակայն իրականում ինձ շատ դժբախտ եմ զգում: Ի սկզբանե ամուսնացել եմ ոչ թե սիրելով, այլ՝ շահից ելնելով: Ամուսինս հարուստ գործարար է, ինձ ապահովում է ամեն ինչով, սակայն ես միայն ամուսնությունից հետո հասկացա, որ միայն փողով չէ, որ երջանիկ են լինում: Նրա վերաբերմունքից դժգոհ չեմ, թեպետ հաճախ է հանրապետությունից բացակայում, տանը հազվադեպ է լինում, սակայն ինձ ու երեխայիս շատ լավ է վերաբերվում: Չկա մի բան, որ ցանկանում ու չունենամ, սակայն դա միայն նյութական առումով, իսկ ինձ պետք է սիրել, օդի պես եմ դրա կարիքը զգում, սակայն որքան էլ ինձ ստիպեմ, ամուսնուս հանդեպ որևէ զգացմունք չեմ զգում: Գիտեմ, որ արդեն ուշ է որոշումիցս ետ կանգնելը, չեմ կարող նրանից բաժանվել… սակայն ուզում եմ երջանիկ լինել, իսկ երջանկությունը միայն փողի մեջ չէ…»: