Ամերիկաբնակ երգչուհի Անի Քրիստիին ESem.am-ը քանիցս անդրադարձել է: Վերջերս երգչուհին սոցցանցային իր էջերում լուսանկարներ է տեղադրում, որոնցից էլ երևում է, որ սևահեր Անին փոխել է մազերի գույնը:

Այսուհետև շիկահեր երգչուհին ESem.am-ի հետ խոսել է մազերի գույնի կտրուկ փոփոխության, սպասվելիք նորության և ԱՄՆ-ում կայացած «Երգ երգոց» հեռուստածրագրին իր մասնակցության մասին: «Արտաքին այս փոփոխությունն ինձ համար այդքան էլ նորություն չէ: Դեռևս 17-18 տարեկանից շատ տարբեր գույներ եմ ներկել մազերս, իհարկե ոչ աբսուրդի հասնող:) Սիրում եմ հաճախ փոխել տեսքս, այդ պատճառով էլ պարբերաբար փոխում եմ մազերիս գույնն ու կտրվածքը»,- կայքի հետ զրույցում ասել է Անին:

Երգչուհու` այս անգամվա արտաքին փոփոխությունը կապված է  նաև նրա աշխատանքային նորության հետ:

«Շուտով Ամերիկայի հայկական հեռուստաընկերություններից մեկով` «Հորիզոն»-ով սկսվելու է իմ հեղինակային հաղորդաշարը, ինչի համար էլ որոշեցի նոր արտաքինով ներկայանալ հեռուստադիտողին: Սա դեռ ամենը չէ, առաջիկայում էլի փոփխություններ կլինեն:)»,-հավելել է երգչուհին, ով առայժմ  չի ցանկացել այլ մանրամասներ հաղորդել`խոստանալով առաջինը ESem.am-ին տեղեկացնել, երբ ծրագրերը հստականան:

Օրերս ԱՄՆ-ի «Կոդակ» թատրոնում տեղի է ունեցել Հանրային հեռուստաընկերության «Երգ երգոց» հաղորդաշարի համերգային ծրագիրը, որին մասնակցել է նաև Անին` կատարելով Գուսան Հավասիի «Էն քո սերն է, յար» և Սայաթ-Նովայի «Բրոյի» ստեղծագործությունները. «Մեծ ոգևորությամբ էի պատրաստվում համերգին, ինչպես միշտ, հուզված էի, բայց վստահ: Տրամադրությունս շատ բարձր էր, սակայն երբ կուլիսներում տեսա հայրիկիս, տրամադրությունս է՛լ ավելի բարձրացավ»: