Նաիրա Մովսիսյանն աշնանային օրերից մեկը BRAVO.am-ի հետ անցկացրել է Հաղթանակի զբոսայգում, որտեղ էլ իրականացրել ենք նրա նոր ֆոտոշարքը: Դերասանուհին իր մտահղացմամբ լուսանկարվել է հինգ տարբեր կերպարում: Ի դեպ, նա բոլոր լուսանկարներում նույն, բայց ձեւափոխված զգեստով է:):

Այս սեւ կտորն ի սկզբանե ձեռք եմ բերել որպես տաբատ: Դեռ 4-րդ դասարանում նմանատիպ լայն տաբատ ունեի, որը որպես զգեստ կրում էի: Նույն կտորը 10-ից ավելի ձեւով օգտագործում եմ. օրինակ, որպես մեկ ուսով զգեստ կրում եմ "Դոն Ժուան Ավիա” ներկայացման մեջ… Կարելի է ունենալ մեկ հագուստ եւ դրանով ստեղծել ամենատարբեր ձեւվածքի զգեստներ: Այս տարբերակներից ինձ ամենից հոգեհարազատը կապյուշոնովն է, իսկ որպես դերասանուհի` ռետրո կերպարը: Շնորհակալ եմ իմ գեղեցկության սրահի մասնագետներին` դիմահարդար Պայծառ Կարապետյանին եւ վարսահարդար Գայանե Ներսիսյանին, որ կողքիս էին ու օգնում էին կերպարանափոխվել: 

Նաիրան եւ դերասանուհի Նաիրա Մովսիսյանն իրարից շատ տարբեր են. հայելու մեջ նայելիս միշտ ինքս ինձ հետ կռվում եմ. գիտակցում եմ դերասան լինելը որքան մեծ պատասխանատվություն է, որովհետեւ էկրանից ու բեմից հասարակությանը մատուցում ես ճաշակ, խոսելաձեւ, տակտիկա, ինտելեկտ… Հանդիսատեսը շատ պահանջկոտ է:

Վերջին ամիսներին նվիրվել էի բիզնեսին, հասկացա, որ հեռացել եմ իմ սիրելի կենսակերպից, բայց այս, երբ օրերին իրար հաջորդեցին հեռուստատեսային նկարահանումները, ֆոտոսեսիան ու ներկայացումը, կարծես, ինձ վերագտա:

Նաիրա Մովսիսյանը

Դադարից հետո որոշեցի հարազատ "ընտանիք” վերադառնալ ու նորից նկարահանվել "Կյանքի կառուսել” հեռուստանախագծում: Նախընտրեցի իմ սիրելի մարդկանց հետ աշխատել, քան նոր միջավայրում հաստատվել, մանավանդ, որ վարձատրության հարցում տարբերություն չկա: 

Երբ բացակայում էի եթերից, կողքիս կային մարդիկ, որ հաճախ ասում էին` "Բա, քեզ պետք է, որ վերադարձար Ամերիկայից, ինչիդ են պետք սերիալները, բա դու այդպիսի բաների ես արժանի”: Հասկացա, որ հակառակ իմ "լավը” ցանկացողների, պետք է շարունակեմ աշխատել ու վերադարձա եթեր: 

Թատրոնում միշտ երազել եմ մարմնավորել Մեդեային ու Կամելիազարդ տիկնոջը, իսկ ֆիլմում` ճաղատ կնոջ, որը շրջապատի համար տարօրինակ ու "կտցրած” է, բայց անկեղծ ու մաքուր է... Միշտ փորձում եմ կերպարովս ասելիք փոխանցել, Ժաննա դ'Արկի նման կերպար եմ ուզում խաղալ: Երեւի խենթացել եմ, բայց իմ երազած դերի համար կճաղատանամ: Նաեւ շատ եմ ուզում մոնոներկայացմամբ հանդես գալ, որը պետք է դասական մոտեցմամբ դրամա կամ տրագիկոմեդիա լինի, ինչպես իմ թատերական ուսուցիչ Վահե Շահվերդյանն է սովորեցրել:

Նյութն ամբողջությամբ Bravo.am-ում: