13 թիվը սնահավատները համարում են դժբախտ թիվ; Թեև մենք սնահավատ չենք, բայց փաստն այն է, որ անցնող տարին եղավ կորսուտներով: Ներկայացնում ենք արվետսգետների, ովքեր այս տարի հեռացել են կյանքից:

Մարկ Սաղաթելյանը մահացել է հուլիսի 31-ին: Նրա մոտ ախտորոշվել էր սուր լեյկոզ տրոմբոհեմորագիկ սինդրոմ, նաև գլխուղեղում արյունազեղում է հայտնաբերվել:

Օգոստոսի 13-ին՝ 70 տարեկան հասակում վախճանվել է դերասան Ազատ Գասպարյանը:

Հունիսի 14-ին հայտնի արձակագիր, դրամատուրգ, լրագրող Վրեժ Իսրայելյանը ինքնասպանություն է գործել հրազենի գործադրմամբ:

Օգոստոսի 20ին՝ 46 տարեկանում հանկարծամահ է եղել Արմեն Ադամյանը:

Սեպտեմբերի 1ին, 54 տարեկան հասակում սրտի կաթվածից մահացել է կոմպոզիտոր, խմբավար, «Արևներ» մանկապատանեկան խմբի հիմնադիր, գեղարվեստական ղեկավար Արմեն Դիվանյանը:

Սեպտեմբերի 2-ին 67 տարեկանում կյանքից հեռացել է Հայաստանի գրողների միության նախագահ Լեւոն Անանյանը: Ըստ տեղեկությունների՝ մահվան պատճառը թոքերի քաղցկեղն է:

Սեպտեմբերի 26-ին մահացել է անվանի դերասան, ՀՀ ժողովրդական արտիստ Սոս Սարգսյանը:

Հոկտեմբերի 22ին, վթարի հետևանքով մահացել է դերասան Երվանդ Ենգիբարյանը:

Մարտի 14-ին 77 տարեկանում մահացել է գրող, երգիծաբան, բանաստեղծ, հրապարակախոս Արամայիս Սահակյանը: Նա երկար տարիներ տառապել է արյան հիվանդությամբ:

Մարտի 24-ին, 31 տարեկանում մահացել է "Արմենիա” հեռուստաընկերության աշխատակից Արսեն Առաքելյանը, որը այս շրջանում նկարահանվում էր "Խաղից դուրս” հեռուստաֆիլմում: