Այսօր՝ հոկտեմբերի 20-ին, ողբերգական դեպք է տեղի ունեցել Գեղարքունիքի մարզում: Ժամը 10:30-ի սահմաններում ոստիկանության Գավառի բաժին ահազանգ է ստացվել, որ Արծվաքար թաղամասի տներից մեկում այրված տղամարդու դի կա: Ինչպես հայտնում է ֆոտոլրագրող Գագիկ Շամշյանը, նշված թաղամաս են ժամանել ՀՀ Արտակարգ իրավիճակների նախարարության փրկարար ծառայության Գավառի հրշեջ-փրկարարական թիվ 32 ջոկատը: Ժամանել են նաև ոստիկանության Գավառի բաժնի օպերատիվ խումբը՝ Գավառի ոստիկանապետ Կարեն Նիկոլյանի գլխավորությամբ:

Ֆոտոլրագրողը հայտնում է, որ դեպքի վայր ժամանած ոստիկանության քննչական գլխավոր վարչության Գեղարքունիքի մարզի քննչական բաժնի Գավառի քննչական բաժանմունքի աշխատակիցները, Գավառի ոստիկանների հետ պարզել են, որ մահացածը նույն թաղամասի բնակիչ 82-ամյա Ջ. Շահրիկյանն էր, ով ըստ նախնական տեղեկությունների՝ իր կյանքին վերջ է տվել ինքնահրկիզման եղանակով: Փաստի առթիվ ոստիկանության Գավառի քննչական բաժանմունքում նյութեր են նախապատրաստվում՝ 82-ամյա ծերունու մահվան հանգամանքները պարզելու նպատակով:

shamshyan.com