Shamshyan.com: Այսօր՝ հոկտեմբերի 13-ին, գայլերի հարձակման դեպք է գրանցվել Լոռու մարզի Հալավար համայնքում: Ինչպես նշված համայնքից հայտնում է ֆոտոլրագրող Գագիկ Շամշյանը, գայլերի ոհմակը գիշերը հարձակվել է գյուղի բնակիչների հորթերի վրա՝ հոշոտելով նրանցից 5-ին: Բնակիչները ֆոտոլրագրողի հետ զրույցում արդարացիորեն դժգոհել են, որ կառավարությունը, ինչպես նախորդ դեպքերում, այս անգամ էլ որևէ օգնություն չի ցուցաբերի իրենց, մինչդեռ չգիտես ինչու տասնյակ օրենքներ ու որոշումներ են ընդունել, որով արգելում են վնասազերծել գայլերին՝սպառնալով քրեական ու վարչական պատասխանատվության ենթարկել:

Մինչդեռ նույն այդ կառույցները օրենքը ընդունելիս պետք է հաշվի առնեն նաև գյուղացու շահը, որն այս դեպքում ոտնահարված է.«Գայլերին արգելում են, որ վերացնենք, բա թող էնպես անեն, որ գայլերն էլ մեր անասուններին չվնասեն, ողջ տարվա ապրուստը մի ժամվա մեջ ջուրն ընկավ, ընտանիքս սրանով էի պահում, հիմա ինչ պետք է անեմ, չգիտեմ»,-դժգոհել են տուժած բնակիչները:

Նյութն ամբողջությամբ` սկզբնաղբյուր կայքում: