Այսօր հայ ժողովուրդը վերջին հրաժեշտը տվեց թատրոնի և կինոյի նահապետին՝ ժողովրդի սիրելի դերասան Սոս Սարգսյանին:Այս մեծ կորուստը մի տեսակ նորովի մտերմացրեց հայերին:Հրաժեշտին ներկա գտնվողները արտասվում էին, հիանում, հպարտանում:Շարունակ հնչող Սոս Սարգսյանի ձայնը բոլորին հավատի կոչ էր անում:

"Իմ կորուստը շատ մեծա, երբ ապրումա մարդը դեռ չես գիտակցում ով է իր կողքին քայլում:Ինչպես ասում էր Սոս Սարգսյանը ՝ մեր հայոց արգանդը դեռ չի չորացել, կարծում եմ դեռ կգան ժամանակներ ու մենք նորից կունենանք այդ հզորության մարդիկ",- Henaran.am-ի ցավը կիսեց դերասան Հարություն Մովսիսյանը:

Մշակույթի նախարար Հասմիկ Պողոսյանն էլ հիշեց մի դեպք կապված Սոս Սարգսյանի հետ."Նա իր կերպարը, իր ձևը՝ ոչ մի պարագայում չէր փոխում, նույնիսկ եթե այդ իրավիճակը մի այլ պահվածք էր թելադրում, ինքը՝ ինքն էր, այնպիսին ինչպիսին կար",-ասաց նախարարը:

Հուղարկավորության արարողությանը ներկա էր նաև ՀՀ նախագահ՝ Սերժ Սարգսյանը, ինչպես նաև կառավարության անդամները:

Բոլորի աչքերում էլ կար ցավ ու արցունք:

Սոս Սարգսյանի վերջին հրաժեշտը ուղեկցվեց մոտ 15 րոպե չընդհատվող ծափահարություններով: Արտիստը իր վերջին հանգրվանը գտավ Կոմիտասի անվամ պանթեոնում: