Աշխարհի ամենաթանկարժեք ավտոմեքենաների վարկանիշը ամեն տարի փոփոխվում է: Ավտոարտադրողները անդադար կատարելագործում և մոդեռնիզացնում են իրենց ավտոմեքենաները, որպեսզի իրենց առաջնային տեղը զբաղեցնեն ամենաթանկ և անհասանելիության ցուցակում:

Այսպիսով, ժամանակն է ուսումնասիրենք աշխարհի ամենաթանկ ավտոմեքենաները:

Առաջին հորիզոնականում ինչպես միշտ գտնվում է Buggati Veyron ավտոմեքենան: Այս ավտոմեքենայի գինը տատանվում է 1500000 – 2000000$-ի սահմաններում: Քանի որ այս ավտոմեքենան արտադրվում է բացառապես պատվիրատուի պահանջներով, նրա գինը կարող է մեծանալ սկզբնական գնի հետ համեմատած: Ինչպես ասում են, ամեն ինչ կախված է պատվիրատուի ցանկություններից և երևակայությունից: Bugatti Veyron-ը աշխարհի ամենահզոր, ամենաարագ, ամենադինամիկ և ամենաթանկարժեք ավտոմեքենան է: Ճանապարհի վրա նրա մաքսիմալ արագությունը կազմել է 407 կմ/ժ:

Երկրորդ հորիզոնականը զբաղեցրել է Ferrari Enzo և Ferrari F430 Scuderia ավտոմեքենաները: Այս կարմիր գեղեցկուհիներին կարելի է ձեռք բերել 800000-1500000$ գնով: Ֆերրարին համարվում է սուպերքարերի արտադրության համաշխարհային խորհրդանիշը, այդ պատճառով այստեղ մեկնաբանությունները ավելորդ են:

Երրորդ հորիզոնականը բաժին է ընկել Pagani Zonda սուպերքարին: Pagani Zonda մոդելը սպորտքար է համարվում, որն ունի հիանալի արտաքին և հիանալի ճանապարհային որակ, այդ պատճառով էլ առաջատար տեղն է զբաղեցնում ամենաորակյալ և ամենաթանկարժեք ավտոմեքենաների վարկանիշում: Այս ավտոմեքենաները կարելի է ձեռք բերել 700000-800000$ գնով` կախված տեխնիկական բնութագիրներից և արտադրված մոդելի կոմպլեկտավորումից: Այնուամենայնիվ Pagani Zonda ավտոմեքենաների շարքից ամենաթանկարժեք մոդելը համարվում է Pagani Zonda R ավտոմեքենան:

Չորրորդ հորիզոնականի ամենաթանկարժեք ավտոմեքենան համարվում է Koenigsegg CCXR-ը, որը իրենից ներկայացնում է CCX շարքի ամենահզոր մոդելը: Նրա երկրորդ անվանումն է «Վեյրոնի մարդասպանը», որը առաջացել է նրա տեխնիկական բնութագիրների շնորհիվ: Ավտոմեքենայի գինը կազմում է մոտ 1000000$:

Մեր ցուցակի հնգյակը եզրափակում է գերմանական ավտոարտադրողը: Իհարկե դա դասական Porsche Carrera GT ավտոմեքենան է: Այն կարելի է գնել 500000$-ով: Միակ հիասթափությունը այն է, որ այս սուպերքարի արտադրությունը ներկա դրությամբ դադարեցվել է:

Վեցերորդ հորիզոնականում հայտնվել են Mercedes-Benz և Maybach, Mercedes Benz SLR McLaren կարելի է ձեռք բերել 460000$-ով, իսկ Maybach 62 ավտոմեքենան կարժենա 400000$: Սակայն վերջերս Maybach-ը ուրախացրել է իր նոր մոդելով` Maybach Exelero անունով, որը հետագայում կտեղաշարժի հնգյակի ներկայացուցիչներից մեկին:

Rolls Royce ավտոմեքենան ցուցակում զբաղեցնում է միայն յոթերորդ հորիզոնականը: Rolls Royce Phantom ավտոմեքենան հասանելի է 350000$-ով: Այս գնով դուք կդառնաք շքեղ սեդանի տերը, որտեղ կլինի բար, սառնարան, սիգարների համար նախատեսված խյումիդոր:

Ութերորդ հորիզոնականը երկար ժամանակ զբաղեցրել է Lamborghini Murcielago ավտոմեքենան` 300000$ գնով: Այս մոդելի տարբերվող հատկանիշն է համարվում դուռը, որը բացվում է դեպի վերև, ինչը ավելի է թեթևացնում ավտոմեքենայի մեջ նստելը և իջնելը: Lamborghini ավտոմեքենայի նոր մոդելները` Embolado, Reventon և Ankonia, անկասկած շուտով կզբաղեցնեն իրենց տեղը ամենաթանկարժեք ավտոմեքենայի առաջին հնգյակում, քանի որ նրանց գինը կազմում է ավելի քան 1500000$:

Նախավերջին հորիզոնականում հայտնվել է Aston Martin ավտոմեքենան: Դասական Vanquish-ը գնահատվում է 250000$: Սակայն Aston Martin DBS մոդելի արժեքը կազմում է մոտ 1000000$: Այնուամենայնիվ Aston Martin One-77 կոնցեպտը ավելի թանկ է, քան նախորդը (1500000$): Հնարավոր է, որ այն շուտով հայտնվի վարկանիշի առաջին հնգյակում:

Ահա և մեր ցուցակը եզրափակող տասներորդ հորիզոնականը, որը զբաղեցնում է Bentley Continental GT ավտոմեքենան իր 300000$ արժողությամբ: Այս ավտոմեքենան կարող է իր մեջ համատեղել շքեղությունը, պրեստիժը և անհավանական արագության բնութագիրները: Նրա արագությունը կարող է հասնել 340 կմ/ժ-ի: