Կանայք նշում են, որ իրենց կողքին ցանկանում են տեսնել ուժեղ տղամարդու, ով միշտ ամուր թիկունք կլինի իրենց համար: Հետաքրքիր է, սակայն, որ նման տղամարդու գտնելուց հետո կանայք փորձում են փոխել, կոտրել նրան ու ոչ թե ենթարկվել նրան, այլ' ենթարկեցնել:

Հիշեք, դուք գոնե մեկ անգամ նայե՞լ եք ձեր տղամարդուն ներքևից վերև, այլ' ոչ հակառակը: Կամ երբևէ խոնարհ հայացքով նայե՞լ եք նրան, երբ ինչ-որ բան եք խնդրում: Ոչ' սովորաբար դու ուղղակի բղավում եք այն մասին, թե որքան սխալ է նա ու որքան ճիշտ եք դու:

Սկզբում կանայք ուղղակի ցանկանում են հավասարություն սահմանել հարաբերություններում, հետո' նրանց պետք է լինում ավելին: Նրանք միշտ ու բոլոր իրավիճակներում ցանկանում են գերակա լինել տղամարդու նկատմամբ, ցանկանում են լինել միշտ ճիշտ ու հասկացված:

Արդյունքում' տղամարդը վաղ թե ուշ հոգնում է ու թույլ է տալիս, որ դուք' ձեր ողջ իշխանությունով, մնաք միայնակ:

Հոգեբաններն այս պարագայում կանանց խորհուրդ են տալիս ոչ թե լինել ենթարկվող ու սեփական կամք չունեցող, այլ' ուղղակի տղամարդկանց հարգող: Կանանց էությունը ևս թելադրում է լինել ոչ պաշտպանված ու պաշտպանության կարիք ունեցող: Այսպիսով' թույլ տվեք ձեր տղամարդուն, որ պաշտպանի ձեզ ու վերջապես թույլ տվեք, որ ձեր երազած ուժեղ տղամարդն, այդպես էլ ուժեղ մնա ձեր կողքին:

aysor.am