Արտաքին տեսքը բարելավելու և լավ տպավորություն գործելու համար մենք մեծ ուշադրություն ենք հատկացնում հագուստին և աքսեսուարներին: Ակնոցի ընտրությունը հեշտ բան չէ. չէ՞ որ դեմքի ձևից է կախված, թե ինչպիսի տեսք կստանա ընդհանուր արտաքինը: Ինչպե՞ս ընտրել ճիշտ ակնոց:

Ճիշտ ընտրված ակնոցը կարող է նոր տեսք հաղորդել ձեր արտաքինին և լավ տպավորություն գործել: Ակնոցը պետք է թաքցնի դեմքի թերությունները, ուստի շրջանակի ընտրությանը պետք է առանձնակի կարևորություն տալ: Սկզբի համար որոշեք, թե որ տիպին է պատկանում ձեր դեմքը:

Քառակուսի դեմք

Ձեզ կսազեն կլորավուն ծայրեր ունեցող մոդելներ: Եթե շրջանակը դեմքից լայն է, ապա ակնոցը ներդաշնակ կնայվի: Ցանկալի է, որ շրջանակը լինի կամ շատ վառ կամ մուգ: Ընտրեք մուգ ապակիներով մոդելներ, թիթեռնիկ-ակնոցներ, «ավիատոր» մոդելի ակնոցներ:

 Կլոր դեմք

Ձեզ կսազեն քառակուսի կամ ուղղանկյունաձև ակնոցներ, սուր ծայրերով, չեզոք գույների շրջանակներով, մուգ ակնոցներով:

Եռանկյունաձև դեմք

Ձեզ կսազեն քառակուսի կամ ուղղանկյունաձև ակնոցներ, կլորավուն ծայրերով: Հոնքերը պետք է երևան, որպեսզի այտոսկերերն առանձնակի ուշադրություն չգրավեն: Լավագույն տարբերակը թիթեռնիկ-ակնոցներն են:

Ձվաձև դեմք

Կարելի է համարձակորեն ընտրել ցանկացած գույնի ու ձևի ակնոցներ, բայց շատ բան կախված է սանրվածքից: Եթե դուք երկար մազեր ունեք, ապա կսազեն կլոր շրջանակով ակնոցները, եթե մազերը միջին երկարության են, ապա ընտրեք «ավիատոր» ձևի ակնոցներ: Շրջանակի լայնությունը պետք է համընկնի դեմքի ամենալայն հատվածի հետ:

Երկարավուն դեմք

Ընտրեք հաստ շրջանակով ձվաձև ակնոցներ: Երկարավուն դեմքի համար կրկին լավագույն տարբերակը թիթեռնիկ-ակնոցներն են:

https://www.facebook.com/maritheswagger