Միշտ չէ, որ ընկերները կամ հարազատները կարող են օգնել Ձեզ հաղթահարել դժվարությունները:   Հաճախ մենք մենակ ենք մնում մեր խնդիրների հետ, և դրանց անհապաղ լուծումը մեզնից բավականին մեծ ջանքեր ու եռանդ է պահանջում: Դժվարությունները ինքնուրույն հաղթահարելու համար առաջին հերթին պետք է վերլուծական միտք, համբերատարություն,համառություն և քաջություն` իրերն իրենց անուններով կոչելու և սեփական վախերի հետ առերեսվելու համար: LN-ը ներկայացնում  է քայլերի համակարգ, որի միջոցով դուք կկարողանաք ինքնուրույն հաղթահարել բարդությունները:

Քայլ առաջին. Ընդունեք ձեզ անհանգստացնող իրավիճակի գոյությունը: Գլուխը հողի մեջ պահելով՝ դուք միայն ժամանակ կկորցնեք:  Որպեսզի վերլուծեք ձեզ անհանգստացնող խնդիրը, հետո լուծեք այն, պետք է սկզբի համար ընդունել դրա գոյությունը: Պարզապես խոստովանեք ինքներդ ձեզ. «Այո, ես տեսնում եմ այս խնդիրը և շուտով կլուծեմ այն»:

Քայլ երկրորդ. Որոշեք դժվարությունների առաջացման պատճառները: Պատճառահետևանքային կապերի բացահայտումը  կարող է օգնել դուրս գալ լաբիրինթոսից: Սովորաբար դրանցից հետո դուք սկսում եք գիտակցել, թե ձեր որ արարքներից հետո առաջացավ  այդ իրավիճակը:

Քայլ երրորդ. Փորձեք խնդրի լուծման տարբերակներ մտածել, միայն թե ռեալ: Որոշեք, թե ինչ պետք է անել կամ չանել, որպեսզի ստանաք մեկ այլ՝ ձեզ ձեռնտու իրավիճակ:

Քայլ չորրորդ. Կյանքի կոչեք լուծման ձեր տարբերակները` քիչ կենտրոնանալով դրանց և հենց խնդրի վրա: Պարզապես սկսեք գործել և վերջ: Քայլ առ քայլ դուք դուրս կգաք այդ փակուղուց, որում հայտնվել էիք:

 Դժվարությունները հաղթահարելու ևս մի միջոց առաջարկում է ամերիկացի գիտնական,  դոկտոր Ուիլիս Կերիերը:

1. Բացահայտեք իրավիճակի զարգացման ամենավատ տարբերակները:
2. Պատրաստվեք ընդունել դրանք, եթե այլ տարբերակ չկա:
3. Հանգիստ տրամադրեք մաքսիմում  ջանք, որպեսզի բարելավեք դրությունը, որի հետ  մտովի հարմարվել էիք:

 Աղբյուր` LADYNEWS.am