Ինչպես ամերիկացիներն են ասում, երբեք չենք ունենա առաջին տպավորությունը գործելու երկրորդ հնարավորոթյունը: Ահա թե ինչքան կարևոր է ճիշտ օգտագործել առաջին իսկ առիթը: Անգամ մոտավոր հաշվարկ կա, թե ինչքան ժամանակ ունենք դրա համար… Պարզվում է՝ ընդամենը 7-70 րոպե, այսինքն` մինչև այն պահը, երբ անծանոթ մարդը կկազմի կարծիք մեր մասին: Ահա 7 հուշումներLADYNEWS-ից, որոնք կօգնեն Ձեզ ճիշտ կողմնորոշվել:

Առաջին տպավորություն գործելու ամենալավ մեթոդը հասկացնելն է Ձեր զրուցակցին, որ նա էզրույցի գխավոր գործիչը, եւ որ հենց նա է գտնվում իրադարձությունների կենտրոնում…

Դուք կթողնեք լավ տպավորություն, եթե ցույց տաք` ինչքան լավ եք կարողանում լսել և հասկանալդիմացինին: Օրինակ՝ խոսակցությունն ընդհատեք նմանատիպ նկատառումներով՝ «Հետաքրքիր է» կամ «Ի՞նչ եք պատրաստվում անել հետո»: Իհարկե, չմոռանալ չափի զգացման մասին…

Արտաբերեք Ձեր նոր ծանոթի անունն ինչքան հնարավոր է հաճախ: Դուք հրաշալի տպավորություն կթողնեք, եթե ծանոթության առաջին պահերին հաճախ տաք նրա անունը. դա զրույցը կդարձնի ավելի մտերմիկ:

Եղեք ճշգրիտ հումորի հարցում: Մեկ ստացված հումորը կարող է հալեցնել զրուցակիցների միջեւ սառույցը, բայց նախընտրելի է խուսափել հումորի ավելորդ չափաբաժնից. հնարավոր է ՝ լրիվ հակառակ ազդեցությունն ունենա: Դուք դեռ չգիտեք` Ձեր զրուցակցի հումորի զգացումն ինչպիսինն է, ուստի այդպես կարող եք խոչընդոտ ստեղծել, որը կխանգարի շփմանը եւ հետո դժվար կլինի այն հաղթահարել:

Դուք պետք է հրաժարվեք առաջինը լիելու անհրաժեշտությունից: Ընդդիմանալը միայն կփչացնի այն հարաբերությունները, որոնք նոր-նոր պետք է կառուցվեն: Կառուցեք վստահելի հարաբերություններ, հետո նոր անցեք մյուս գործողություններին:

Արտաքին տեսքը եւս մեծ դեր է խաղում: Պարտադիր չէ տեղյակ լինել նորձեւության բոլոր նորություններից, որպեսզի հագնվել ճաշակով եւ հաճելի: Ուղղակի հիշեք, որ պետք է հագնվեք ոչ թե այն աշխատանքին համապատասխան, որ ունեք, այլ նրան, որ ուզում եք ունենալ…

Խոսեք հստակ, վստահ եւ համոզիչ: Առաջին տպավորությունը  մեծապես կախված է նաև Ձեր խոսելու ոճից, նույնիսկ ավելի, քան մենք կուզեինք` լիներ: Մարդիկ դատում են`ելնելով Ձեր ինտելեկտից, դաստիարակությունից, կրթությունից եւ անգամ Ձեր՝ լիդեր լինելու ընդունակություններից:

Աղբյուր` LADYNEWS.am