Հիմա տեսնենք, թե ինչպե՞ս մաքրել ոսկյա իրերը, որպիսի դրանք միշտ լավ տեսք ունենան:

Ոսկերչական արտադրության մեջ մաքուր ոսկին վաղուց արդեն չի օգտագործվում, քանի որ այն ամրապինդ չի և շուտ է մաշվում: Այդ պատճառով ոսկուն ավելացնում են արծաթ, պղինձ, պալլադիում և այլն: Եվ քանի որ ոսկին կոռոզիայի չի ենթարկվում, ապա գունափոխմանը նպաստում են ձուլվածքում առկա այլ մետաղները: Օքսիդացումը տեղի է ունենում ոչ միայն մաշկի, այլև քսուկների, օծանելիքի, ինչպես նաև օդում գտնվող տարբեր նյութերի հետ շփման պատճառով: Ուստի խորհուրդ է տրվում տնային գործերով զբաղվելիս ոսկյա զարդերը հանել, իսկ հանելուց հետո դրանք մաքրել փափուկ լաթով: Կեղտոտված զարդը կարելի է մաքրել 25%-անոց անուշադրի (նաշատիր) սպիրտի մեջ 20 րոպե տեղադրելով, որից հետո մաքրեք փափուկ կտորով: Եթե այս միջոցով մուգ կետերը չհաջողվի անցկացնել, ապա դիմեք մաքրման այլ միջոցների: Ամենահեշտը, դա ատամի փոշու օգնությամբ խոնավ կտորով մաքրելն է: Հետքերի դեմ պայքարի լավ միշոց է նաև սովորական շրթներկը: Այն քսեք լաթի վրա և զգուշորեն մաքրեք ոսկյա զարդը: Ավելի զգույշ է հարկավոր վարվել ոսկեջրած իրերի հետ: Նախ չոր և փափուկ կտորով մաքրեք փոշին, հետո միայն մաքրեք սպիրտով թրջած բամբակով: Սպիրտը կհանի մուգ կետերը, իսկ եթե սպիրտին ավելացնեք օճառ, ապա կմաքրվի նաև կանաչ կետերը: Ոսկյա իրերի վրա հաճախ տեղադրված են թանկարժեք քարեր: Հատկապես մեծ զգուշություն են պահանջում մարգարիտը և սաթը: Եթե չգիտեք, թե ինչպես այս կամ այն միջոցը կանրադառնա քարի վրա, ավելի լավ է օգտվեք «տատիկների» հին դեղատոմսերից: Ընդհանրապես, բարդ ձև ունեցող իրերը տան պայմաններում մաքրելը բավական դժվար է:

Նյութի աղբյուր`shkolazhizni.ru