Երգչուհի Ջուսի աղմկահարույց հայտարարությանն ու դրա շուրջ ծավալված աղմուկին արդեն անդրադարձել ենք:

Երգչուհին այսօր մեկ այլ խնդիր ունի. երկու օր է, ինչ նա չի կարողանում օգտվել իր ֆեյսբուքյան էջից: Ըստ նրա` դա իր «չուզողների» ձեռքի գործն է:

«Երկու օր է երկրպագուներիցս նամակներ եմ ստանում, գրում են, որ չեն կարողանում իմ էջին հետևել ու նամակներ գրել: Պարզվում է` էջս արգելափակվել է ֆեյսբուքի ադմինիստրացիայի կողմից, քանի որ կեղծ էջերով սպամ են արել: Այժմ, երբ փորձում եմ մտնել իմ էջ, գրում է, որ դա կեղծ պրոֆայլ է,- անհանգստացած պատմեց Ջուսը` հավելելով, որ պաշտոնական նամակ է գրել և խնդրել, որ վերադարձնեն էջը: -Այդ էջումս բավականին գործ եմ արել, շատ ընկերներ ունեմ, որոնց հետ մշտապես կապի մեջ եմ լինում: Հուսամ` շուտով կվերականգնվի»:

Երգչուհին իր հավատարիմ երկրպագուներին կոչ է անում մինչ թերության շտկվելը հետևել իր Թվիթերի և Ինստագրամի էջերին: