Ակնոցները շատ կարևոր աքսեսուար են կայացած տղամարդու համար: luxlux.net-ը ներկայացնում է հայտնի մարդկանց նախընտրած ակնոցները:

Բիլլ Գեյթսը Lotos է կրում

1.500-65.000 դոլար արժողությամբ ակնոցները կրում է Բիլլ Գեյթսը, ինչպես նաև՝ Ֆրանսիայի, Մոնակոյի և Մեծ Բրիտանիայի արքայական ընտանիքների անդամները: Հայտնիները գնահատում են Lotos-ի ակնոցները՝  շրջանակների համար, որոնք պատրաստված են թանկարժեք նյութերից: Դրանք պատրաստելիս վարպետներն օգտագործում են 750  հարգի ոսկի և 950 հարգի պլատին: Յուրաքանչյուր ակնոցի պատրաստման համար ծախսվում է 100 աշխատանքային ժամ: Ակնոցները հաճախ զարդարվում են նաև ադամանդներով:

Lindberg՝ Ալիշեր Ուսմանովի համար

Ռուսաստանցի միլիարդատեր Ալիշեր Ուսմանովը նախապատվություն է տալիս Lindberg ակնոցներին: Նման ակնոցներ է կրում նաև Ֆրանսիայի ներկայիս նախագահ Ֆրանսուա Օլլանդը:

Դրանց հիմնական առանձնահատկությունը շրջանակի թեթև քաշն է, որը կազմում է ընդհամենը՝ 1.9 գրամ: Ապրանքանիշի հիմնադիր Պաուլ-Յորն Լինդբերգը միշտ նշում էր, որ կատարյալ են այն ակնոցները, որոնք չեն զգացվում կրելու ժամանակ: Նրա ստեղծած Air Titanium շրջանակները հայտնվել են XX դարի լավագույն դիզայներական լուծումների շարքում:

Վալերի Խորոշովսկու Cartier-ը

Քաղաքական գործիչ և միլիոնատեր Վալերի Խորոշկովսկին վերջերս նկատվել էր Cartier ակնոցներով: Նրա ընտրած մոդելը վաճառվում է՝ սկսած 750 դոլարից: