Կառավարությունը հետեւողականորեն բարձրացնելու է աշխատավարձերը, այդ թվում՝ մասնավոր ոլորտում: Այդ մասին այսօր՝ հոկտեմբերի 28-ին ՀՀ Ազգային Ժողովում հայտարարեց ՀՀ վարչապետ Տիգրան Սարգսյանը՝ ԱԺ հանձնաժողովների համատեղ նիստում: Նրա խոսքով՝ նվազագույն աշխատավարձը 45 հազ. դրամից առաջիկա տարիներին հասցնելու են 70 հազ. դրամի:

Նշենք, որ ներկայում նվազագույն աշխատավարձը 45 հազ. դրամ է, 2014 թ. բյուջեի նախագծում նշված է 50 հազ. դրամը: 2014 թ. հուլիսի 1-ից քաղծառայողների աշխատավարձը կբարձրանա մոտ 40%-ով: