Քարդաշյանների ընտանիքում պատերազմ է բռնկվել: Պատերազմում են Քիմն ու Քլոեն: Ըստ Radar Online-ի, Քիմը պահանջում է, որ քույրը բաժանվի ամուսնուց՝ բասկետբոլիստ Լամար Օդոմից, ով վերջերս բռնվել է թմրանյութ օգտագործելու եւ հերթական անգամ կնոջը դավաճանելու համար:

Քիմի խոսքով, Լամարը հերթական անգամ բացասաբար գովազդում է Քարդաշյան ընտանիքին: Ընտանիքի մտերիմներից մեկի խոսքով, Քլոեն մի ամբողջ օր լաց է եղել այն բանից հետո, երբ Քիմը նրան ապահարզանի վերաբերյալ վերջնագիր է ներկայացրել:

Հիշեցնենք, որ Քլոեն ամուսնուն՝ «Լոս Անջելես Կլիպերս» թիմի հարձակվող, 33-ամյա Լամար Օդոմին վռնդել է տանից: Նա ամուսնուն վերջնագիր է ներկայացրել. Լամարը պետք է բուժվի թմրանյութերի կախվածությունից կամ այլեւս երբեք չի կարող տուն վերադառնալ: Հարկ է նկատել, որ Քլոեն առաջվա նման կրում է ամուսնական մատանին եւ, ամենայն հավանականությամբ, պատրաստ է մինչեւ վերջ պայքարել իր ընտանեկան երջանկության համար:

Շաբաթ Կալիֆորնիայի ոստիկանությունը ձերբակալել էր Օդոմին՝ հարբած վիճակում եւ թմրամիջոցների ազդեցության տակ ավտոմեքենա վարելու կասկածանքով:

Լուսանկարները՝ Splash-ի, Getty Images-ի

NEWS.am STYLE