Ինչպես ցույց է տալիս պրակտիկան, ընկերուհիներից մեկի տղամարդու մասին մյուս ընկերուհիները ունենում են երկու տիպի կարծիք` կամ նա ուղղակի հիանալի է, կամ էլ բացարձակ չի համապատասխանում իրենց ընկերուհուն: Հարց է առաջանում` ե՞րբ արժե լսել ընկերուհիներին:

Ընկերուհիները ճիշտ են Ձեր և սիրելիի անհամապատասխանության հարցում, եթե Ձեր վարքագծում սկսել են դրսևորվել հետևյալ գծերը.

1. Սիրելի տղամարդու հետ Դուք Ձեզ ազատ չեք զգում: Նրա հետ լռում եք այն դեպքում, երբ իրականում շատ եք սիրում խոսել ու ծիծաղել: Դա նշան է, որ ընկերուհիները ճիշտ են:

    

2. Թողնում եք Ձեր սիրելի զբաղմունքները: Եթե ընկերուհիները հիմնավորում են իրենց բացասական կարծիքը նրանով, որ Դուք այլևս չեք հաճախում այն խմբակները, որ հիացմունք էին պատճառում Ձեզ առաջ, որ թողել եք բոլոր հոբբիներն ու մոռացել լավ ժամանակ անցկացնելու մասին, ու Դուք էլ եք զգում նման միտում, ուրեմն Ձեր կողքին իրոք այն տղամարդը չէ, որ պետք է:

    

3. Այլևս չեք հետաքրքրվում «քաղաքականությամբ»: Սա ընդամենը օրինակ է: Նկատի ունենք այն, որ, եթե նախկինում Ձեզ հետաքրքրում էր քաղաքականությունը, իսկ հիմա Դուք ողջ օրն անգամ ընկերուհիների հետ խոսում եք ոչ թե Ձեր, այլ Ձեր սիրելի տղամարդու հետաքրքրություններից, օրինակ՝ ձկնորսությունից, ուրեմն հարաբերություններն իրոք այն չեն:

    

4. Եթե սիրելին դարձել է Ձեր կյանքի միակ կենտրոնը: Անգամ եթե Դուք բոլորին ասում եք, որ ուղղակի «ապրում եք Ձեր կյանքով», բայց հոգու խորքում զգում եք, որ նրա հետ հաճախ եք տխրում, իսկ ընկերուհիների հետ ժամանակն ուղղակի թռչում է, ուրեմն հետևություններ արեք:

Աղբյուր` LADYNEWS.am