Իհարկե, կան այնպիսիք, որոնք դա միտումնավոր են անում, որովհետև հաճույք են ստանում' բողոքելով, թե ինչ անպետքն է ամուսինն ու ինչպես են իրենք քարշ տալիս բոլոր հոգսերն իրենց փխրուն կանացի ուսերին: Բարեբախտաբար կանանց մեծամասնությունը միտումնավոր չէ «փչացնում» իր կողքի տղամարդուն, դա ստացվում է ենթագիտակցաբար: Նրանք պարզապես չգիտեն, թե կոնկրետ ինչն են սխալ անում:
Փորձենք բացահայտել գաղտնիքը, թե ինչպես կարելի է «փչացնել» սիրելի տղամարդուն:
Այսպես, երբ կինը հորիզոնում տեսնում է իրեն համապատասխան տղամարդու, նա ակտիվ գործողություններ է սկսում նրան գրավելու ուղղությամբ: Սա առաջին սխալն է: Ժամանակակից կանայք նախահարձակ են լինում հարաբերություններում. ծանոթանում են իրենց դուր եկած տղամարդու հետ, իրենք են տալիս իրենց հեռախոսահամարը, ապա զանգում և ինքնուրույն ժամադրություն նշանակում: Բնական է, որ այս իրավիճակում տղամարդը «թուլանում է»' մտածելով, որ կինն արդեն իրենն է և չի ճգնում քայլեր անել կնոջը գրավելու ուղղությամբ: Այս պարագայում, անշուշտ, կինը ստիպված կլինի ողջ կյանքը նախաձեռնող ու նախահարձակ լինել:

Բացի այդ' շատ կանայք, գտնելով իրենց տղամարդուն, սկսում են պարբերաբար վճարել նրա փոխարեն կամ թանկարժեք նվերներ անել նրան: Իհարկե, սիրելիին հաճելի պահեր պարգևելը լավ բան է, սակայն պետք չէ չափն անցնել, քանի որ նա կարող է սովորել դրան և դադարել ձեզ համար անակնկալներ անել:
Ցավոք, կանայք մոռանում են, որ ուժեղ սեռի ներկայացուցիչներն, իրենց կնոջին անընդհատ նվերներ ստանալով, սկսում են իրենց նվաստացած զգալ, քանի որ չեն կարողանում ըստ արժանվույն փոխհատուցել դա:
Այս ամենից հետո սիրելիին «փչացնելու» խնդիրը գրեթե լուծված է:
Տղամարդու բնավորությունը խեղաթյուրելու վերջին քայլն արվում է այն ժամանակ, երբ կինը սկսում է անընդհատ վախենալ իր կողքի տղամարդուն կորցնելուց: Այս պարագայում կինը սկսում է ենթագիտակցաբար ստորադասել իրեն տղամարդուն, անել ամեն ինչ վերջինիս հաճոյանալու համար, և զարմանալի չէ, որ մի քանի ամիս անց տղամարդն արդեն հրամայական տոնով կխոսի ձեզ' կարգադրելով սուրճ կամ թեյ մատուցել իրեն:
Սրանք տղամարդուն «փչացնելու» հիմնական մեթոդներն են, սակայն միակը չեն: Կանայք պետք է հիշեն, որ շատ անգամ հենց իրենց պահվածքն է ճիշտ տղամարդուն վերածում «անզգամ կենդանու» նև հենց իրենց պահվածքի արդյունքում է, որ հետագայում նրանք ստիպված են լինում իրենց փխրուն ուսերին կրել ընտենական խնդիրները:
Ամենաճիշտ տարբերակն է լինել այնպիսինյ, ինչպիսին կաք և չփորձել հակասել սեփական անձին' տղամարդուն հաճոյանալու համար: Այդ պարագայում տղամարդն ինքը կցանկանա հոգ տանել ձեր մասին:

operativ.am