Այն բանից հետո, երբ բժիշկները 38-ամյա Ջեյն Մորգանին հայտնել են, որ իր գիրության պատճառով կարող է մահանալ, Ջեյնը որոշել է, որ պետք է նիհարել, քանի որ նա հաշմանդամ որդի ունի, ում մասին պետք է հոգ տանի: Ջեյնը այդ ժամանակ եղել է 177 կգ: Նա շուրջ մեկ տարում նիհարել է 76 կգ:

Ամեն ամիս Ջեյնը նկարվել է: Նկարներում երևում է, թե ինչպես է Ջեյնը ավելի ու ավելի նիհարում:

Ջեյնը երկու որդի ունի` 10-ամյա Քոնորն ու 8-ամյա Քալումը: Քալումը ուղեղի կաթված է ստացել: Նա չի կարողանում քայլել, ուտել: Նա կարողանում է խոսել, սակայն ոչ այդքան լավ: «Ես վախենում էի, որ կմահանայի և կթողեի որդիներիս առանց մայր», - ասել է Ջեյնը: